Republic of the Philippines

Pasay City South High School

Schools Division Office - Pasay City

PCSHS STEM Students, Kampeon sa 1st Stemeefy Quiz Show ng 24th National Student Convention by: ANG BAGWIS November 24, 2025 Isang panibagong karangalan ang iginawad sa Pasay City South High School (PCSHS) matapos magwagi ang kanilang STEM students bilang Champion sa kauna-unahang Stemeefy Quiz Show na ginanap sa 24th National Student Convention. Ang tagumpay na ito ay patunay ng husay, talino, at dedikasyon ng mga kabataang iskolar mula sa PCSHS. Sa nasabing kompetisyon, humarap ang mga kalahok sa serye ng mahihirap na tanong mula sa larangan ng Science, Technology, Engineering, at Mathematics. Ipinamalas ng PCSHS team ang kanilang kahusayan sa mabilisang pag-aaral, analytical thinking, at collaborative problem-solving na nagbigay sa kanila ng malaking kalamangan laban sa iba pang kalahok mula sa iba’t ibang panig ng bansa. Ayon sa mga coach at tagapayo ng koponan, masusi at masigasig na paghahanda ang ginawa ng mga mag-aaral bago sumalang sa kompetisyon. Ang kanilang pagsisikap at pagtutulungan ang nagbunga ng isang matagumpay at kahanga-hangang panalo para sa buong paaralan. Ipinahayag naman ng pamunuan ng PCSHS ang kanilang labis na pasasalamat at pagmamalaki sa mga nagwaging mag-aaral. Ayon sa kanila, ang tagumpay na ito ay hindi lamang pagkilala sa galing ng mga estudyante, kundi pagpapatunay din sa mataas na kalidad ng edukasyon at suporta ng kanilang mga guro at advisers. Sa pagtatapos ng paligsahan, tumayo ang PCSHS STEM students bilang huwaran ng talino, dedikasyon, at pagiging handa sa mga hamon ng makabagong panahon. Ang kanilang pagkapanalo sa 1st Stemeefy Quiz Show ay nagbigay inspirasyon sa kapwa nilang mag-aaral at muling nagpatunay na tunay na maaasahan ang husay ng kabataang Pasayeño.

PASAY CITY SOUTH HIGH SCHOOL EAGLE SCOUTS REPRESENT THE PHILIPPINES IN SG60 SINGAPORE INTERNATIONAL JAMBOREE by: ANG BAGWIS November 19, 2025 Sarimbun Campsite, Singapore — Pasay City South High School proudly celebrates the achievement of its two outstanding Eagle Scouts, who, together with their unit coordinator, have been officially selected as Philippine delegates to the SG60 Singapore International Jamboree. The international gathering will be held on November 18–24, 2025 at the historic Sarimbun Campsite in Singapore — the birthplace of Scouting in the country. Eagle Scout Joshua C. Manabat and Eagle Scout Bherlyn Mosqueda, known for their dedication to service, leadership, and the Scouting spirit, will join hundreds of Scouts across the Asia-Pacific Region and the world. Their participation marks a significant milestone not only for the school but also for the Scouting movement in Pasay City. The SG60 Singapore International Jamboree celebrates 60 years of Singapore Scouting and promises a week filled with global friendship, cross-cultural exchange, outdoor adventures, and leadership-building activities.The participation of the Pasay City South HS delegates highlights the school’s continued dedication to molding disciplined, service-oriented, and globally aware youth leaders. As the event approaches, the entire Pasay City South High School community extends its warmest congratulations to the delegates. Their journey to Sarimbun Campsite stands as an inspiration to all aspiring Scouts, reminding them that with passion and perseverance, they too can shine on the international stage.

PCSHS, Wagi ng 2nd Place sa Division Nestlé Hataw Sayaw Year 3 by: ANG BAGWIS November 18, 2025 Matagumpay na kinatawan ng Pasay City South High School (PCSHS) ang paaralan sa naganap na Division Nestlé Hataw Sayaw Year 3, kung saan nakamit nila ang 2nd Place sa Secondary Category. Ang tagumpay na ito ay patunay ng talento, dedikasyon, at pagkakaisa ng mga batang Pasayeño. Tampok sa makulay at mataas-energy na pagtatanghal ang mga mag-aaral mula sa Grade 10 Agate at Grade 10 Alexandrite, na buong siglang nagbigay-buhay sa bawat indak at kumpas. Ang kanilang husay sa pagganap ay bunga ng matiyagang ensayo at walang sawang pag-eensayo upang maihatid ang isang de-kalidad na performance na tunay na kahanga-hanga. Sa likod ng matagumpay na choreography ay ang malikhaing isip ni Santino G. Cruz, na nagdisenyo ng galaw, ritmo, at kabuuang konsepto ng pagtatanghal. Ang kanyang pagiging masinop at malikhaing pagbuo ng sayaw ay naging mahalagang sandigan ng tagumpay ng grupo. Hindi rin mawawala ang patuloy na paggabay ni Mr. Justin Edward Arevalo, na nagsilbing mentor at suporta ng grupo mula paghahanda hanggang pagtatanghal. Ang kanyang dedikasyon sa paghubog ng talento ng kabataan ay lubos na kinilala ng buong koponan. Nagpahatid din ng pasasalamat ang grupo sa pamunuan ng paaralan—Dr. Felina P. Patagan (Principal IV), Dr. Cynthia D. Abella (Assistant Principal II – JHS), Mr. Victor L. Tublian (Assistant Principal II – SHS), at Ms. Lanor C. Bucala (MAPEH Department Head)—para sa kanilang walang sawang suporta, pagpapaalala, at pagtaguyod sa mga programang pangkultura at pang-estudyante. Sa huli, binigyang-pugay ang lahat ng mag-aaral ng Grade 10 Agate at Grade 10 Alexandrite sa kanilang natatanging pagganap. Ang kanilang tagumpay ay hindi lamang nagbigay ng karangalan sa PCSHS, kundi nagpakita rin ng lakas, talento, at pagkakaisa ng kabataang Pasayeño. Ang pagkapanalo sa Division Nestlé Hataw Sayaw Year 3 ay nagsisilbing inspirasyon para sa lahat—na sa bawat pagsasayaw, may kuwento ng pag-asa, tiyaga, at pag-usbong ng bagong henerasyon ng mga mananayaw.

PCSHS Alumnus, naglunsad ng pagsasanay kontra disinformation by: ANG BAGWIS November 15, 2025 Pasay City South High School — Sentro ng isinagawang pagsasanay sa pagtalakay ni Mr. Don Dave D. Ventura, isang PCSHS alumnus at kasalukuyang GMA Program Manager, tungkol sa lumalalang pagkalat ng disinformation at ang tungkulin ng kabataang mamamahayag sa pagprotekta sa katotohanan.“Kailangan nating labanan ang pagkalat ng disinformation at misinformation,” aniya habang tinalakay ang mga batayang prinsipyo at pillars of journalism. Ayon kay Ventura, dapat palaging isaalang-alang ng mga mamamahayag ang pagbe-verify ng impormasyon, pagtitiyak sa reliability ng sources, at pagbibigay ng tumpak na ulat. Binigyang-diin niya ang kahalagahan ng regular na pagbabasa ng dyaryo, panonood ng balita, at pakikinig ng radyo bilang pundasyon ng isang mahusay na tagapaghatid ng impormasyon. “Hindi sapat na marunong magsulat; dapat ay marunong ding magsala ng impormasyon,” dagdag pa niya.Ibinahagi rin niya ang ilang praktikal na tips kung paano dapat inilalahad ang balita upang manatiling tapat, malinaw, at kapaki-pakinabang para sa publiko. Bago ang talakayan, naghatid ng mainit na pambungad na pananalita si Wilma V. Amores, Puno ng Kagawaran ng Filipino, na nagpasalamat sa pagbabalik ni Ventura upang ibahagi ang kaniyang kaalaman.Sinundan ito ng mensahe ni Dr. Cynthia D. Abella, Kawaksing Punongguro ng Junior High School, na pinuri ang taos-pusong dedikasyon ng panauhin sa pagpapalakas ng kakayahan ng kabataang mamamahayag. Sa huli, tiniyak ni Ventura sa mga mag-aaral na ang layunin ng bawat mamamahayag ay hindi lamang mag-ulat, kundi maghatid ng impormasyong tama, makabuluhan, at nagsisilbi sa interes ng publiko.

Diwa ng Pagkakaisa at Kultura, Tampok sa UN Closing Program ng PCSHS by: ANG BAGWIS November 7, 2025 Matagumpay na isinagawa ang United Nations 2025 Closing Program sa Pasay City South High School ngayong araw, Nobyembre 6, 2025 na pinangunahan nina Ms. Dona Calindas Lajarca at Mr. Angelbert Prosperoso bilang mga tagapagdaloy ng programa. Layunin ng nasabing gawain na ipakita ang pagkakaisa at pagpapahalaga sa iba’t ibang kultura sa buong mundo. Sinimulan ang programa sa pamamagitan ng pag-awit ng Makabayang Awitin, Panalangin, Bagong Pilipinas Hymn, at Pasay Hymn na ipinakita sa pamamagitan ng audio-visual na presentasyon.Pagkatapos nito ay isinagawa ang parada ng mga estudyanteng nakasuot ng international o national costume, na nagpakita ng kulay, kultura, at pagkakakilanlan ng iba’t ibang bansa. Nagbigay ng pambungad na pananalita si Dr. Cynthia D. Abella, Kawaksing Punongguro ng Junior High School, kanyang binigyang-diin ang kahalagahan ng pagkakaisa at paggalang sa mga lahi at kultura. Kasunod nito, ipinakilala ni Grace L. Cabayao, Puno ng Kagawaran ng Araling Panlipunan, ang mga hurado ng patimpalak na sina Kag. Carl Jay Torrico, Kag. Alden Yogi Cariño, at Nurse Margie Morante. Isa-isang nagpakilala ang mga estudyanteng kalahok sa national costume, na sinundan ng paggawad ng sertipiko at medalya sa mga nanalo sa iba’t ibang patimpalak sa Junior High School at Senior High School.Nagbigay-aliw naman ang mga intermisyon mula sa mga piling mag-aaral ng JHS sa pamamagitan ng pag-awit at pagtatanghal ng cultural dance ng mga SHS na mag-aaral. Sinundan ito ng pag-anunsyo ng mga nagwagi na Top 10 sa Best in National Costume (Top 5 pairs).Bago tuluyang nagtapos ang programa, nagpaabot ng taos-pusong pasasalamat ang mga tagapagdaloy sa lahat ng panauhin, hurado, guro, subject group heads, at mga estudyanteng lumahok na naging dahilan ng tagumpay ng UN Closing Program.

PCSHS Nagsagawa ng Earthquake Drill kaninang umaga, Nobyembre 6, 2025 by: ANG BAGWIS November 6, 2025 Layunin ng gawaing ito na paigtingin ang kahandaan at disiplina ng mga mag-aaral sa oras ng sakuna. Pinangunahan ito ni Ms. Lanor Bucala, DRRMC focal person, at ni Dr. Cynthia D. Abella, Assistant Principal II, katuwang ang iba’t ibang organisasyon tulad ng SSLG, Girl Scouts, BKD, BERT, at Red Cross Youth.Upang masiguro ang kahandaan ng mga mag-aaral at kawani sa oras ng sakuna, matagumpay na nagsagawa ang Pasay City South High School (PCSHS) ng isang Earthquake Drill kaninang umaga, Nobyembre 6, 2025. Layunin ng aktibidad na matiyak na alam ng lahat ang tamang hakbang na dapat gawin sakaling magkaroon ng lindol. Eksaktong alas-9:00 ng umaga nang tumunog ang alarma bilang hudyat ng pagsisimula ng drill. Agad na isinagawa ng mga mag-aaral at guro ang “Duck, Cover, and Hold” habang sinisiguro ng bawat silid-aralan ang maayos at disiplinadong paglabas patungo sa mga itinalagang evacuation areas. Mahigpit itong binantayan ng mga guro, school marshals, at safety officers upang matiyak ang kaligtasan at kaayusan. Kasama rin sa aktibidad ang obserbasyon at pagtatala ng response time, pati na ang pagtukoy sa mga dapat pang pag-ibayuhin sa proseso ng paglikas. Nagbigay din ng paalala ang Disaster Risk Reduction and Management (DRRM) team tungkol sa kahalagahan ng kahandaan, disiplina, at mabilis na pagresponde tuwing may sakuna. Matapos ang drill, ipinahayag ng pamunuan ng PCSHS ang kanilang pasasalamat sa lahat ng lumahok at nagpakita ng kooperasyon. Ayon sa kanila, ang regular na pagsasagawa ng ganitong aktibidad ay mahalaga upang mapanatiling ligtas at handa ang buong komunidad ng paaralan. Sa huli, pinatunayan ng PCSHS na ang pagiging handa sa sakuna ay hindi lamang tungkulin, kundi isang responsibilidad na nagbibigay proteksiyon at seguridad sa bawat mag-aaral at kawani.

Division Science and Technology Fair 2025, Matagumpay na Isinagawa sa PCSHS by: ANG BAGWIS October 16, 2025 Inilunsad ang Division Science and Technology Fair (DSTF) 2025 sa Pasay City South High School (PCSHS) ngayong araw, Oktubre 16, 2025, na dinaluhan ng mga mag-aaral mula sa iba’t ibang paaralang elementarya at sekondarya sa Dibisyon ng Pasay, kasama ang kanilang mga magulang, guro, punongguro at mga opisyal ng DepEd Pasay. Sinimulan ang programa sa Pagmartsa ng mga Kulay na pinangunahan ng ACTP kasunod ang pag-awit ng Pambansang Awit, Opening Prayer na pinamunuan ni Carla Michaela Gernale, PCSHS SSLG Secretary, at ang Bagong Pilipinas Hymn at Pasay Hymn sa pamamagitan ng Audio-Visual Presentation.Sa pambungad na pananalita ni Dr. Felina P. Patagan, Principal IV ng PCSHS, buong puso niyang pinasalamatan ang mga dumalo—mga magulang, guro ng Science at STEM, mga organizer, department heads, principals, PSDS, at lahat ng kalahok sa patimpalak. Nagbigay naman ng pambungad na mensahe si Mr. Quinn Norman O. Arreza, JD, OIC ASDS at OIC Chief EPS-CID. Binanggit niya ang kahalagahan ng agham at teknolohiya bilang daan tungo sa makabagong inobasyon. Hinikayat niya ang mga estudyante na yakapin ang lifelong learning, maging inspirasyon sa iba, at aktibong mag-ambag sa larangan ng siyensya at teknolohiya. Matapos nito, isinagawa ang pormal na pagkilala sa mga kalahok, na pinangunahan ni Dr. Maripaz T. Mendoza, Education Program Supervisor sa Science ng SDO Pasay.Bilang paglipat sa susunod na bahagi ng programa, pinangunahan ni Gng. Ma. Elma V. Amongol, Head Teacher VI ng Science Department ng PCSHS, ang pagpapakilala sa mga hurado ng patimpalak na magsisilbing tagapagtimbang ng husay at talino ng mga kalahok.Naghandog naman ng intermisyon ang PCSHS Science Teachers Dance Troupe, na nagbigay sigla sa pagdiriwang. Muling nabuhayan ng sigla ang mga kalahok matapos ihayag ni Editha F. Alimbuyuguen , SGH – STEM ng PCSHS, ang kanilang itinalagang mga silid-aralan na gagamitin para sa iba’t ibang kategorya ng patimpalak.Sa Keynote Address ni Hon. Antonino G. Calixto, District Representative ng Pasay City, nagbigay-diin sa kahalagahan ng siyensya at inobasyon sa paghubog ng kinabukasan ng kabataan. Kasunod nito, nagbigay rin ng mensahe si Hon. Joey Calixto Isidro, Konsehal ng Lungsod, bilang opisyal na kinatawan nina Mayor Imelda “Emi” Calixto Rubiano at Vice Mayor Mark Calixto na nagpaabot ng suporta at paghanga sa mga batang kalahok na patuloy na nagpapakita ng galing at talino sa larangan ng agham. Bilang hudyat ng opisyal na pagsisimula ng patimpalak, pumila ang mga kalahok at nagtungo sa kani-kanilang mga itinalagang silid-aralan upang simulan ang iba’t ibang kompetisyon sa larangan ng agham at teknolohiya.

South Football club: Kinatawan ng Pasay City sa Batang Pinoy GenSan 2025 by: ANG BAGWIS October 15, 2025   Bilang patunay sa lumalakas na talento at determinasyon ng kabataang atleta ng Pasay City, opisyal na kakatawan ang South FC sa prestihiyosong Batang Pinoy 2025 na gaganapin sa General Santos City (GenSan). Ang kanilang pagpili ay nagsisilbing malaking karangalan hindi lamang sa koponan kundi maging sa buong komunidad ng Pasay. Buong puso silang sinuportahan ng lokal na pamahalaan, mga magulang, at kanilang paaralan sa pagsabak sa pambansang kompetisyong ito. Sa mga nagdaang buwan, masigasig na nagsanay ang South FC upang mas mapahusay ang kanilang galing sa football—mula sa disiplina sa loob ng training, teamwork, hanggang sa paghahanda sa mental at pisikal na aspeto. Ayon sa kanilang mga coach, handang-handa na ang koponan na harapin ang mahihigpit na kalaban mula sa iba’t ibang panig ng bansa. Ipinagmamalaki nilang dala ang pangalan ng Pasay City at inaasahan nilang makapag-uwi ng karangalan at inspirasyon sa kapwa kabataan. Para sa South FC, ang pagsali sa Batang Pinoy GenSan 2025 ay hindi lamang tungkol sa kompetisyon. Ito rin ay pagtanaw ng mas maliwanag na kinabukasan sa larangan ng sports, paghubog ng karakter, at pagpapakita ng tunay na diwa ng pagkakaisa at sportsmanship. Sa kanilang paglalakbay patungong GenSan, bitbit nila ang pag-asa ng kanilang lungsod—at ang paniniwalang kayang makamit ng kabataang Pasayeño ang pinakamataas na tagumpay kapag pinagtibay ng sipag, tiyaga, at pagkakaisa.

PCSHS, Naglunsad ng Seminar Laban sa Online Sexual Abuse at Exploitation sa Kabataan by: ANG BAGWIS October 10, 2025 Nagdaos ang Pasay City South High School (PCSHS) Senior High School Guidance Office ng capacity building seminar para sa mga adviser at core leaders tungkol sa Online Sexual Abuse and Exploitation of Children (OSAEC) at Child Sexual Abuse or Exploitation Materials (CSAEM), kahapon, Oktubre 9, 2025, sa naturang paaralan. Sa pambungad na mensahe ni Dr. Felina P. Patagan, Principal IV, binigyang-diin niya ang kahalagahan ng pagtitipon bilang pagkakataong mapalalim ang kamalayan sa mga isyung kinahaharap ng kabataan sa digital na mundo at muling suriin ang mga patakaran ukol sa child protection.Tinalakay ni Dr. Bernadita A. Perez, Education Program Supervisor at Child Protection Specialist ng SDO Pasay, ang mga Supplemental Guidelines for the Implementation of D.O. No. 40, s. 2012 o Child Protection Policy. Ipinaliwanag niya ang mga prohibited acts, mga preventive at responsive mechanisms, at ang bisa ng nasabing kautusan. Binigyang-pansin din ni Dr. Perez ang mga batas na R.A. 11596 (Anti-Child Marriage Law) at R.A. 11930 (Anti-OSAEC and Anti-CSAEM Law), na parehong naglalayong protektahan ang kabataan mula sa pang-aabusong seksuwal, lalo na sa internet. Kasama rin sa diskusyon ang responsableng paggamit ng ICT at social media, at ang online risks tulad ng cyberbullying, data privacy issues, at misinformation. Sa pagtatapos ng gawain, hinimok ni Gng. Mekisa A. Abuan, Guidance Coordinator, ang mga guro na ibahagi at ipaliwanag sa kanilang mga klase ang kaalaman tungkol sa online protection. Binigyang-diin naman ni G. Victor L. Tubilan, SHS Assistant Principal II, na ang tunay na tagumpay ng programa ay makikita sa mas ligtas na mga mag-aaral na may sapat na kaalaman laban sa online abuse.

Matagumpay na ipinagdiwang sa Pasay City South High School ang School-Based World Teachers’ Day na may temang Together4Teachers by: ANG BAGWIS October 7, 2025 Matagumpay na ipinagdiwang sa Pasay City South High School ang School-Based World Teachers’ Day na may temang Together4Teachers, ngayong ika-7 ng Oktubre 2025. Ito ay ang araw upang gunitain ang taus-pusong paglilingkod ng mga guro sa mga mag-aaral upang matuto, magkaroon ng kaalaman, at mahubog ang kagandahang-asal upang maglingkod sa kapwa at sa bayan.Nagpakita ng kahusayan sa pagsayaw ang ilang mga guro at mga puno ng paaralan upang magbigay ng kasiyahan sa pagdiriwang. Kasabay ng pagdiriwang, pinarangalan din ang mga gurong nagbibigay-serbisyo sa pagtuturo sa loob ng 10 taon, 15 taon, 20 taon, at 30 taon. Binigyang-parangal din ang ilang dating mga guro ng paaralan. Kinilala naman ang mga natatanging guro sa bawat kagawaran sa Junior High School at Senior High School.Mabuhay ang mga gurong palaging hangad ang pagkatuto ng mga mag-aaral.