DEHESA PARA SA PANGULO

Mrs. Ginalyn M. Allen

SSG Adviser-PCSHS

                Muli nanamang napatunayan ng Southenian Community ang kanilang galing at talino sa pamumuno ng mahalal bilang Pangulo ng Supreme Student Government Federation of Pasay si ISIAH JENDRIC B. DEHESA.  Siya ang kasalukuyang Pangulo ng Supreme Student Government ng Pasay City South High School at isang Grade 12 Student mula sa STEM Strand. Ito na ang ikalawang taon na nakuha ng paaralan ang pinaka-mataas na posisyon sa pederasyon matapos ang panalo ni Yngrid Kurei Factuar noong nakaraang taon.

            Naganap ang eleksyon nooong ika 26 ng Oktubre, 2021 mula 9:00 ng umaga at tumagal hanggang 5:00 ng hapon. Naungusan ni Isiah ang siyam pang mga President ng SSG mula sa ibat-ibang mga paaralang pang sekondarya ng lungsod ng Pasay. Kasama niya sa birtwal na eleksyon ang kanilang SSG Adviser, Gng Ginalyn M. Allen at AP Dept. Head Bb. Grace L. Cabayao.

            Ang mga nahalal na lider mag-aaral ng SSG Pasay Federation ay nanumpa ng kanilang panunungkulan sa harap ni Gng. Loreta Torrecampo CESO VI noong ika 4 ng Nobyembre 2021.