Pinasinayaan ang IEC o ang Inclusive Education Center ng Pasay City South School nitong Disyembre 14, 2021 sa pangunguna ng  ating Punongguro Gng . Emilia L. Tolentino kasama ang  Non-Teaching Staff ng paaralan.

Dumating   sa nabanggit na pasinaya  ang ilang malalaking tao sa Dibisyon ng Pasay. Nariyan si CID -Chief Librado F. Torres, AO -IV HRMO Daniel A. De Ocampo at  PSDS  Dr. Rosalie R. Condes na nagsilbi ring panauhing pandangal sa araw na yaon.

Nauna nang  ginanap ang Virtual na programa kaugnay sa Inclusive Education. At dito agad na nagpaunlak ng isang panayam si PSDS Condes sa nabanggit na programa.

Ayon sa kanya dito lang sa PCSHS ang kauna-unahang paaralan sa Sekondari ng Pasay ang  may IEC , at siya’y nagagalak sa kaganapang  ito.

Ang pagkakaroon ng IEC ng paaralan ay pagtugon narin sa  Senate Bill No. 1907 o ang “ Instituting Services for Learners with Disabilities  in Support for Inclusive Education Act na walang mag-aaral na may kapansanan ang mapagkakaitan ng opurtunidad na pumasok at makapag -aral sa pampublikong paaralan.

Ang IEC ay magiging sentrong facilidad sa mga nabanggit na mag-aaral. At ang PCSHS ay nakahanda na sa pagtugon sa panagangailangan ng mag -aaral na ito  at bilang patunay ay ang pagpapadala ng paaralan ng 14 na kaguruan sa pambansang palihan noong Oktubre 22 -24 na may paksang “Educating Diverse Learners with Special Needs in the New Normal”.